Астанадағы ЭКСПО-2017 көрмесіне билет бағдарламасы ЭКСПО көрмелерінің әлемдік практикасынан өзгерек

«Астана ЭКСПО-2017» халықаралық мамандандырылған көрмесіне билеттік бағдарламасының өзгешелігі онда – Ұлы Отан сғысы ардагерлеріне, мүмкіндігі шектеулі жандарға, жетім балалар мен 6 жасқа толмаған бүлдіршіндерге кіру тегін, сондай-ақ зейнеткерлер, оқышулар мен студенттер және көп балалы аналарға арнайы жеңілдіктер қарастырылған.
Бұл туралы ҚР Президенті жанындағы Орталық коммуникациялар қызметінде «Астана ЭКСПО-2017» ұлттық компаниясы» АҚ Басқарма Төрағасы Ербол Шорманов, Қоғаммен байланыс департаментінің директоры Сергей Куянов, Коммерциализациялау департаменті директорының м.а. Рада Исламова және Қоғаммен байланыс департаменті директорының орынбасары Ақсұлу Арзықұлованың қатысуымен өткен брифинг барысында белгілі болды.
Брифингке қатысушылардың айтуынша, билеттік бағдарлама әрбір қазақстандықтың көрмеге келу мүмкіндігіне ие болуына ыңғайланып жасалған. 10 маусымнан бастап көрмеге билет сатылу басталды. Бұл ретте, бір ай бойы, яғни 10 маусым мен 10 шілде аралығы арнайы промо-кезең орын алатын болады. Айталық, 10 маусым мен 20 маусым аралығы сатып алушыларға 50 пайыздық жеңілдік, 21 маусым мен 30 маусым аралығы 30 пайыздық жеңілдік, шілденің 1 мен 10 аралығы 20 пайыздық жеңілдіктер ұсыну қарастырылған.
Сонымен қатар, 10 шілде мен 10 тамыз аралығы тур операторлар мен реселерге жеңілдіктер беріледі.
Ағымдағы жылдың 1 қыркүйек күні бүкіл Қазақстан бойынша оффлайн билет сату жүзеге асырылады. Оған қоса, билет сату мәселесінде ЭКСПО-2017 серіктестері – «Қазпошта», «Қазақстан темір жолы», «Эйр Астана» компаниялары үлестерін қосатын болады.
Жалпы, билетті алдын-ала сатып алу кезеңі 2016 жылдың 10 маусымынан 2017 жылдың 9 маусымына дейін жалғасады. Толығырақ ақпарат алу әрі билет сатып алу үшін tickets.expo2017astana.com сайтына кіру қажет.